- Om met 'n passie vir God te leef
- Tot groter heling en versoening in verhoudings
- Tot gasvryheid/openheid
- Om te luister
- Om hul roeping te ontdek of beter te vestaan en by dienslewering betrokke te raak.
Om te beplan vir 2010 wonder ek oor die volgende:
- Help ons mekaar om 7-dag Christene te wees met dié fokusse?
- Wat reken jy is tans die grootste uitdagings waarvoor die Here Helderberg Gemeente plaas?
- Waarop dink jy moet Helderberg Gemeente fokus in 2010?
Dankie dat jy saam met my hieroor nadink, wonder en bid sodat ons as gemeente op dié dinge sal fokus wat ons sal help om te wees waartoe God ons roep/stuur.
Ek vermoed dat daar om verskeie redes 'n diepe soeke na God by mense is - om nader aan God te leef; om meer van God te "sien" en te ervaar; om meer van God te weet; om meer simbole en rituele te hê, ens. Dit is wonderlik dat dit so is en dit is 'n wonderlike geleentheid vir ons as gemeente. Ek is nie altyd so seker dat ons mekaar in Helderberg daarmee help nie. Ongelukkig is dit ook waar dat sulke tye juis ook 'n teelaarde vir verbuigde godsdiensverskynsels is. Godsdienstige fanatisme met al sy gevare word ook in sulke tye gebore. Ek vermoed dat die volgende fokusse in 'n tyd soos hierdie belangrik is: Om weer opnuut die teenwoordigheid en genade van God te ontdek; Geloofsekerheid; Wie ek as kind van God is (my identiteit); Om die Woord van die Here deel te maak van my leefwêreld; Om 'n dissipel van die Here te wees en ander te begelei om as dissipels van die Here te leef. Ek oordeel dat ons in Helderberg Gemeente weer opnuut sal moet dink oor hoe ons mekaar versorg en toerus om as 7-dag Christene te leef.
ReplyDeleteJa, "opnuut dink oor versorging" ....?
ReplyDeleteDr Hannes noem dan by nuwe lidmaat byeenkoms (Meimaand) jy moenie hier 'n ds soek om jou te pamperlang nie. Lidmate moet mekaar verorg.
Gedog die ds sal my in hierdie tye kan bemoedig?
Nou verstaan ek nie?
Baie sterkte met die beplanning. Die dinge wat hier genoem word is goed. Julle het baie gebed en wysheid nodig.
ReplyDeleteEk dink ek verstaan wat met die beplanning in die oog is. Ongelukkig ervaar ek dat dit nog nie naby is nie. Ons bou al hoër veiligheidsheinings om ons huise. Ons kom al minder met ons mede gelowiges om 'n gebedstafel saam.
Die dissipelskap reeks help met bogenoemde, maar mense se harte is reeds harder...
Bid saam met julle.
Iets wat my baie gehelp het is om by 'n omgee groep aantesluit. Ons behandel aspekte waaroor ons vrae het. Kry 'n spreker van tyd tot tyd in en bemoedig ook so mekaar. Sondae kry ek ook nog padkos vir die week, maar instede om iemand vir koffie te nooi, nooi hom of haar om ook saam met jou te bid. Hoeveel tyd spandeer jy met jou beste vriend of vriendin en hoeveel tyd spandeer jy met GOD as jy met HOM praat. GOD wil soos jy 'n verhouding met jou hê. Hierdie is uitdagings wat ek ook nie elke dag regkry nie, maar hoe meer ek daarop fokus hoe makliker raak dit. Probeer dit anders sal jy nooit regtig weet nie. As jy met die ds wil praat bel hom. Daar is 'n paar by ons gemeente. Ek het dit al gedoen en gaan met 'n positiewe gemoed. Mense het nie altyd al die raad nie maar GOD het.
ReplyDeleteHelderberg Gemeente
ReplyDeleteFokus(se) vir 2010
Fokus 1 – verhouding met God
Leef met ‘n groter passie vir God
Leef voor die aangesig van God
Oper om God te ontmoet
Leef vanuit ‘n verwondering oor God
God is/staan sentraal in ons lewe en denke
Aanbidding as openbare getuienis
’n Gem,eenskap van lof en aanbidding
Ons identifiseer met Christus en fokus op die koninkryk van God
Luister na God en is gehoorsaam aan Hom
Die aanbidding van God wat lewend, eg en omvattend is
Die Here is die spil van ons lewe
’n Diep verbondenheid met God
Fokus 2 – verhoudings en gasvryheid
Geborgenheid in verhoudings en mense, veral met ons tieners.
Egte verhoudings, veral met ons tieners
Christelike gasvryheid/openheid
’n Liefde onder mekaar en ’n liefde vir alle mense
Ons gee werklik om vir mekaar
Saam met ander oppad met God
Ons het mekaar, veral ons tieners, baie nodig
Ons het mekaar nodig
Ons is deel van ’n groter geheel
Mens deur ander mense
Ons is mense, nie ’n plek nie
’n Gemeenskap wat besorg is oor mekaar
Ons bied aan mekaar en ander ’n tuiste
Almal, ook ons tieners, is vir ons belangrik
Verhoudings tel alles
Ons bid saam en vir mekaar
Fokus 3 – geestelike groei
Geestelike groei
Geloof as ’n manier van lewe
Geloof in praktyk
’n Geloof wat lewe
Bybelse vorming en dissipelskap
Ons lewe
Fokus 4 - Tieners
Ons tieners is vir ons kosbaar
Ons beleef God saam met ons tieners
Ons het ons tieners nodig
Ons koester ons tieners
Die tieners is saam met ons kerk van die Here Jesus Christus